Arıqlamaq istəyənlər üçün Koreya mətbəxi
Avstraliya dietoloqları hansı xalqların mətbəxlərinin artıq çəkidən azad olmağa yardımçı ola biləcəyini araşdırıblar. Məlum olub ki, bu Koreya mətbəxidir.
Mütəxəssislərin sözlərinə görə, Koreya mətbəxindəki xörəklər nəinki arıqlamağa kömək edir, həmçinin əldə edilən nəticəni saxlamağa da yardımçı olur.
Alimlər bu tədqiqata könüllülələri cəlb edərək onları qruplara bölüblər. Hər qrupa daxil olanlara seçildiyi xalqın milli mətbəxindən xörəklər yemək tövsiyə edilib. Məlum olub ki, qərb və Koreya mətbəxinin effekti eynidir. Lakin arıqladıqdan sonra yenidən kökələtməyən mətbəx Koreya olub.
Qeyd edək ki, Koreya mətbəxində balıq və dəniz məhsullarından hazırlanmış xörəklər üstünlük təşkil edir. Müxtəlif ədvalar, yağsız təbii souslar isə xörəkləri çox dadlı edir. Amma bu mətbəxdə mayonez və yağlı tortlara demək olar ki, rast gəlinmir. Onların milli deserti düyü perojnasıdır.
