Küsüb məndən küsəyənim səbəbsiz

Küsüb məndən küsəyənim səbəbsiz


Dedim danış dillən susma gözəlim
Sən susduqca döyünməyir ürəyim
Axı sənsən təkcə arzum diləyim
Qara məzar hər bir yanım bil sənsiz
Küsüb məndən küsəyənim səbəbsiz

O gül üzün bir gecənin nurudur
Xəyalların məni hər an ovudur
Bu aşkardı yoxsa röya yuxudur
Secəmmirəm vallah qəlizdən qəliz
Küsüb məndən küsəyənim səbəbsiz

Dodaq büzmə bu yazdığım məktuba
Od salmısan baxışınla bu cana
Rəssam olsam adını mən səmaya
Cəkib göy üzünə salaydım bir iz
Küsüb məndən küsəyənim səbəbsiz

Dindir məni arada bir bəsimdi
Bu qəlbimdən pünhan gələn səsimdi
Aman bu qız nə danışdı nə dindi
Söz söylədim getdi səssiz səmirsiz
Küsüb məndən küsəyənim səbəbsiz

Baxışların danış deyir din deyir
Artıq ürək tab eyləmir dözməyir
Dəli şeytan səndə bundan küs deyir
Susaq birgə biz söyləyək hər ikimiz
Küsüb məndən küsəyənim səbəbsiz

Seymur ümüd dolu uzadaraq əlini
Əsirgəməz səndən hec vaxt eşqini
Dindir onu atsın kədər qəmini
Demiyək hec zaman bu sözləri biz
Küsüb məndən küsəyənim səbəbsiz

Müəllif : SEYMUR SÖNMƏZ