Nakam məhəbbət
Sənə toy çalınır köçürsən gəlin.
Səncə ürəyimdən köçə bilərsən?
Cavabın bildiyin sualı verdim.
Yalnız mən öləndə ordan köçərsən.
Hələdə inana bilmirəm buna.
Məni həqiqətən tərk eləyirsən?
Sənsiz nə hallara düşərəm gülüm.
Düzün de heç bunu dərk eləyirsən?
Sən mənə öyrətdin əsl sevgini.
Sonra o sevgini əlimdən aldın.
Əsl məhəbbətə dəyər vermədin.
Əğyarın varına meylini saldın.
Nəysə toy qutardı vağzalı çaldı.
Sizi yola saldı alqışla hamı.
Mənsə düz gecədən səhərə kimi.
Şərabla keçirdim həmin axşamı.
Ayaqlar altında qurban kəsildi.
Xöşbəxtlik arzusu deyildi sizə.
Əğyarla qol qola girib sevgilim.
Yavaşca tərpəndiz öz evinizə.
Ayağın altına boşqab qoydular
Boşqaba bir zərbə vurdun həmin an.
Düşünmə boşqabı qırmısan təkcə,
Mənim qəlbimidə qırdın həmin an.
Artıq neçə ildi görmürəm səni.
Amma eşitmişəm xöşbəxt deyilsən.
And olsun mən sənə qarğış etmədim.
Necə birisiyəm yaxşı bilirsən.