Qarşınızdakı İnsanı Dodaq Quruluşuna Görə Tanıyın

İnsanı üz cizgilərinə görə öyrənmə elmi fizioqnomika (xarici görünüşə görə şərh etmə sənəti) adlanır. Bu elm ən çox kişilərin imdadına çatır. Axı «kişilər gözləri ilə sevir», deyirlər. Demək, bundan sonra kişilər qadına yaxınlaşmadan onun xasiyyətinə bələd olub, sevə bilərlər. Kişiləri ilk növbədə cəlb edən isə qadının dodaqlarıdır.

Qarşınızdakı insanı dodaq quruluşuna görə tanıyın…

Dolu dodaqlar:
Fizioqnomika elminə görə, dolu dodaqlı qadınlara kişilər çox nadir hallarda ciddi fikirlə yanaşırlar. Onları qinamaq olmaz. Çünki belə qadınların özləri də zövq və əyləncə vurğunudurlar. Dolğun dodaqlar yüksək temperamentin danılmaz göstəricisidir. Bunun sübutu Merlin Monrodur. Sirr deyil ki, kişiləri ən çox cəlb edən bu qadının görünüşü yox, məhz elə dodaqları olub. Əbəs yerə onun dodaqları cazibə simvolu seçilməyib ki... Belə qadınlar üçün sevgi yox, hər zaman diqqət mərkəzində olmaq daha vacibdir. Axı dolğun dodaqlı qadınlar eqoistdirlər. Ən çox sevdikləri isə səyahətə çıxmaqdır. Belə qadınların çox yaxşı ana olduqları isə danılmazdır.

Nazik dodaqlar:
Bu qadınların bəxti sevgidə heç vaxt gətirmir. Lakin onlar bundan sıxılmırlar. Bu iradəli gözəllər çətin anlarında kimdənsə aman diləməyi ağıllarından belə keçirmirlər. İnsanları ram etməyi bacaran nazik dodaqlı xanımlar müstəqilliyi çox sevirlər. Bəzən o qədər sərbəst olurlar ki, həyatlarının sonuna kimi onları qane edən tənhalığa qapılırlar. Nazik dodaqlı qadınların bir mənfi cəhəti var ki, bu da onların şan-şöhrət əsiri olmalarıdır.

Alt dodaq üst dodaqdan qalındırsa
Sən demə, kişilərin 80 faizində alt dodaq üst dodaqdan qalındır. Bu da kişilərin daha çox xəyanət indən xəbər verir. Çünki alt dodağı üst dodaqdan qalın olanlar vəfasızdırlar. Belələrindən sadiqlik gözləmək mənasızdır. Onlar üçün «sadiqlik» sözü zəmanənin təlabatına uyğun gəlməyən köhnəlmiş ifadə anlamındadır. Bu cür dodaqlı qadınlar da kişilərdən geri qalmırlar. Bu, onların ömür boyu yeni partnyorlar və əyləncələr axtaracaqlarına işarədir. Sözügedən insanlar həm də çox tənbəldirlər.

Üst dodaq alt dodaqdan qalın:
Bu cür dodaqlı qadınları avropalılar nəzakətli, sadə, işvəli, naz-qəmzəli və ailəcanlı sayırlar. Ancaq asiyalılarda əksinə, belə dodaqlar ikiüzlüyün, süniliyin əlaməti hesab olunur. Avropalıların fikrincə, belə qadınlar yaxşı yemək hazırladıqlarından həyat yoldaşları tərəfindən həmişə sevilirlər. Üst dodağı qalın olan qadınları kişilər əsl tapıntı hesab edirlər.

Simmetriyasız dodaqlar
Onlar sadiq olurlar. Ümumiyyətlə, simmetriyasız dodağı olanlar qollarını çirməyib, ancaq öz imiclərini dəyişməyə çalışırlar. Belə xanımlar yalan danışır, öz xasiyyətlərini həddindən artıq şişirtməyi xoşlayır, ətrafdakılara utanmadan şər atırlar. Buna görə də belələri sevgidə uğradıqları məğlubiyyətə asanlıqla dözürlər.

«Gülümsəyən» dodaqlar
Belə dodaqlar tükənməyən sevinc və xoşbəxtlik çesməsi kimi insanları özlərinə cəlb edirlər. Həmişə optimistdirlər. Bəzən zəhlətökən pərəstişkarlarını uzaqlaşdırmaq üçün özlərini həddindən artıq soyuqqanlı, acıqlı və ciddi göstərməyə çalışırlar. Ancaq gülümsəyən dodaqları onlara bu hiylənin öhdəsindən gəlməyə imkan vermir. Onlar hər zaman kişiləri ovsunlamağı bacarırlar.

«Qəmli» dodaqlar
Təəssüf ki, dodaqlarının kənarları aşağı sallanan qadınlar sadiq pərəstişkarları ilə öyünə bilmirlər. Nədənsə belələrinin qarşısına çıxanlar yalançı və hiyləgər olur. Nəticədə, onlar insanlara qarşı ümidlərini itirirlər. Belələri heç nəyə inanmırlar. Onlar həmişə özlərini lazımsız hesab edirlər.