Bakıda yeni yaşayış binasında güclü yanğın: xəsarət alanlar var, bina boşaldıldı - YENİLƏNİB
18:12
Bakının Yasamal rayonunda çoxmərtəbəli yaşayış binasında yanğın baş verib, sakinlər təxliyyə ediliblər.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, binanın13-cü mərtəbəsində yerləşən mənzildə yanğın baş verib. Üç otaqlı mənzilin iki otağı və içindəki əşyalar yanıb. Alov Binanın 14-cü mərtəbəsindəki mənzilin pəncərə çərçivələrinə də keçib.
Yanğınsöndürənlər yuxarı mərtəbələrdən 20 nəfər sakini təxliyyə ediblər.
Hər iki mənzilin qalan hissəsi və qonşu mənzillər yanğından mühafizə olunub.
---------
14:56
Bakıda yeni yaşayış binasında yanğın baş verib.
Milli.Az novosti.az-a istinadən xəbər verir ki, hadisə paytaxtın Yasamal rayonu ərazisində, Yeni Yasamal adlanan ərazidə yerləşən yeni tikilmiş binada baş verib.
Yanğın iki mərtəbədəki mənzili, 10 və 11-ci mərtəblərdəki evləri əhatə edir.
Hazırda hadisə yerinə gələn 3 yanğınsöndürən briqada alovu söndürməyə çalışır. Yanğın nəticəsində xəsarət alanlar var. Onlar təcili tibbi yardım maşını ilə xəstəxanalara aparılıblar. Binanın sakinləri təxliyyə ediliblər.
