Sevə-sevə ayrılaq.

Biz xoşbəxt olmadıq sevənləri kimi
İndi sonbahar tək sızlar qəlbimiz
Bəlkə bu dünyaya gəlmişik gülüm
Artıraq dünyanın həsrətin biz

Tənə də, giləy də daha əbəsdir
Bu sirli röyadan ayrılaq gərək
Ya sən gecikmisən,ya mən tələsdim
İndi sevə-sevə ayrılaq gərək.

Könül gizli-gizli yanacaq indi
Bir damla göz yaşın dənizdir mənə
Bizə xatirələr qalacaq indi
Sənin xatirəndə mənə əzizdir.

Bilirəm bu həsrət üzəcək səni
Çalış kölgə kimi sürünməyəsən
Gözlərim hər zaman gəzəcək səni
Çalış gözlərimə görünməyəsən

Bir hissin altında döyünür ürək
Səni düşünürəm səndən xəbərsiz
Kaş bircə biləydim,sən də mənim tək
Məni düşünürsən məndən xəbərsiz.