Ana var ki..
Bu həyatda analar var, cürəbəcür.
Ana var ki, əsil ana!
Övlad üçün öz canını desən, verər.
Ana da var, göz qırpmadan
Övladını öz canına qurban edər.
* * *
Ana var ki, övladına biganədir,
Biganədir, lal daş kimi, qaya kimi.
Övladının varlığından hey sıxılır,
Ən lazımsız, gərəksiz bir əşya kimi.
* * *
Ana da var, övlad üçün divanədir.
Elə bilir, övlad ona bir Kəbədir!
Şükr eləyir Yaradanın verdiyinə
Ən qiymətli hədiyyətək.
Ümid edir övladının xoş gününə,
Öz ömrünün sonunadək...
Müəllif: Gülçin Xanbaba qızı