Ümidinizi heç bir zaman itirməyin, ümidsiz həyat günəşsiz kainat kimidir...
O, hər gün yuxudan əvvəl xəstə ərini öpürdü, o isə heç nə anlamırdı. Bu sevgidən başqa nə ola bilər? Sevgi sınaqlardan və çətinliklərdən keçməlidir. Əgər sizin sevginiz bu sınaqlardan keçməyibsə, bu o demək deyil ki, o mövcud deyil. Bu o deməkdir ki, siz sevginizi yetəri qədər qorumamısınız.
Kəpənək bir gün yaşayır və azad həyat sürür. Heç təsəvvürünüzə gətirmisinizmi kəpənəyi tutub, onu qutuda bağlamaq nə deməkdir? Mən biz- insanların həyatını kəpənəyin həyatı ilə müqayisə edirəm. Cəmiyyətin fikirlərindən asılılığımız isə o deməkdir ki, biz özümüzü bu qəfəsə məhkum edib, orada yaşayırıq. Öz azadlığınıza dəyər verin və heç kəsə özünüzü bu qəfəsdə bağlamağa izn verməyin.
Ən əsas səbrli olmağı öyrənməkdir. Səhərlər tezdən oyanıb dəniz sahilində, sevdiyin yerlərdə gəzişmək, quşların pıçıltısından, günəşin çıxmasından və ətir saçan güllərdən zövq almaqdır. Çirkinliklərdən, yalandan, əzabdan, xəyanətdən başqa bir çox gözəlliklər də mövcuddur.
Bütün bu gözəlliklərin reallığını anlamaq lazımdır. Bu illuziya, aldadıcı görünüş və ya yalan deyil. Özünə inamı itirmək olmaz. Xoşbəxtliyin əsl dadını yalnız keçdiyin sınaq və çətinliklərdən sonra hiss edirsən.
Ümidinizi heç bir zaman itirməyin, ümidsiz həyat günəşsiz kainat kimidir...
