Dəli kimi sevmək
..dəli kimi sevmək..sən də eşitmisən yəqin bu ifadəni..bəlkə də işlətmisən..həmişə maraqlı olub görəsən dəli kimi sevmək necə olur?
Hər gün görmək istəyidir bu? yoxsa səsini eşitmək ümidi?..yuxuda görəcəyinə inanıb yatmazdan əvvəl onun haqqında çox düşünmək ? ona qarışa bilmədiyin üçün özünü söymək?
Ağlamaq..ən pis anında ona yazıb dərdləşmək istəyini məhv edən cəsarətsizlikdir insanı dəli edən?..yoxsa soyuq cavab alacağından qorxmaq?..uşaq kimi möhtac olmaq..onun yoxluğunda özünü itirmək..
Vecinə olmasan da səni ən çox onun başa düşəcəyinə inanmaq..yazdığı hər yazını öz üstünə götürmək? onun hər yerdə səni izlədiyinə inanmaq..mənasız,məntiqsiz..səbəbsiz şəkildə ona sadiq qalmağa çalışmaq..hərəkətlərinə iki qat diqqət etmək..
İlahi..yazdıqca anlayır insan nə qədər axmaq olduğunu..içimdəki bu lənətdən xilas olmaq gəlir içimdən..amma buraxmaq istəmirəm..məhkumam mən..könüllü məhkum..nəbzimi yavaşladan..nəfəsimi kəsən boynumdaki bu "kəndiri " sevirəm..dəli kimi sevmək?..hə..deyəsən..