Məsumların nurlu kəlamlarından 500 hədis (481-500)

04 Mayıs 2015
3 951
0
Məsumların nurlu kəlamlarından 500 hədis (481-500)
Məsumların nurlu kəlamlarından 500 hədis (481-500)

Bismillahir Rəhmanir Rəhim...
Salam və Salavat olsun sonuncu peyğəmbərimiz Məhəmməd (s.a.a.) Peyğəmbərə və onun Ailəsinə, Pak Əhli-Beytə (ə).
Allahın Salamı olsun İslam Yolunu gedənlərə və İslama Doğru gələnlərə...

Hədis 481: İmam Riza (ə) buyurur:"Allahın az ruzisinə razı olan kəsin Allah da az əməlinə razı olar.”

Hədis 482: İmam Sadiq (ə) buyurur:"Bizim şiələrimiz onlardırlarki, təklikdə Allahı çox zikr edərlər.”

Hədis 483: Həzrət Əli (ə) buyurur:"Başqalarında eyb axtarmaq ən pis eyb və ən pis günahdır.”

Hədis 484: İmam Hüseyn (ə) buyurur:"Mö`minin haqqını yerinə yetirmək, Allaha edilən ibadətlərin ən üstünüdür.”

Hədis 485: Həzrət Məhəmməd (s.a.a.) buyurur:"Ən güclü insan xalqa qalib gələn yox, nəfsinə qalib gələndir.”

Hədis 486: Həzrət Məhəmməd (s.a.a.) buyurur:"Bir şeyi bilmədən danışan kəsə göyün və yerin mələkləri lə`nət oxuyar.”

Hədis 487: İmam Səccad (ə) buyurur:"Camaat elm oxumağın faydalarını bilsəydilər, qanları axıdılmaqla, dəryalara baş vurmaqla olsaydı da belə, yenə təhsil ardınca gedərdilər.”

Hədis 488: Həzrət Əli (ə) buyurur:"Ən güclü günah şəhvətə tabeçilikdir. Ona itaət etməyin, yoxsa düşüncənizi Allahdan uzaqlaşdırar.”

Hədis 489: Həzrət Məhəmməd (s.a.a.) buyurur:"Hər kəs qırx gün Allaha ixlasla (riyasız) ibadət etsə, Allah hikmət çeşməsini onun qəlbindən dilinə axıdar.”

Hədis 490: Həzrət Əli (ə) buyurur:"Məzluma kömək və qəmgini şad etmək böyük günahların kəffarələrindəndir.”

Hədis 491: Həzrət Əli (ə) buyurur:"Başqaları üçün pis hesab etdiyin işlərdən uzaqlaşmaq ədəbli olmağın üçün kifayətedər.”

Hədis 492: Həzrət Əli (ə) buyurur:"Başqalarından bildiyin pis əməllərə göz yumma qənşərəfli əməllərdəndir.”

Hədis 493: Həzrət Məhəmməd (s.a.a.) buyurur:"Günahın kiçikliyinə yox, kimə qarşı günah etdiyinə bax.”

Hədis 494: Həzrət Məhəmməd (s.a.a.) buyurur:"Ölümü çox yada salın, çünki ölümü xatırlamaq günahları yuyur və insanı dünyaya qarşı e`tinasız edir.”

Hədis 495: Həzrət Məhəmməd (s.a.a.) buyurur:"Allah insana onun xoş xasiyyətinə görə Allah yolunda cihad edənlərin mükafatını verər.”

Hədis 496: Həzrət Məhəmməd (s.a.a.) buyurur:"Mənim Əhli-beytim Nuhun gəmisi kimidir. Ona minən nicat tapar, ondan üz çevirənsə qərq (həlak) olar.”

Hədis 497: Həzrət Məhəmməd (s.a.a.) buyurur:"Ya Əli, səni sevib, məhəbbətinə sadiq olan kəsin xoş halına və sənə düşmən olub, haqqında yalan danışan kəsində vay halına!”

Hədis 498: Həzrət Məhəmməd (s.a.a.) buyurur:"Başqa şeylər sizi özünə məşğul etməmiş, xeyir iş görməkdə qabağa düşün.”

Hədis 499: Həzrət Əli (ə) buyurur:"Ən böyük ehtiyacsızlıq qəlbdə arzulara yol verməməkdir.”

Hədis 500: İmam Sadiq (ə) buyurur:"Oruc tutarkən gözünüz və qulağınız da haramdan qorunmalı, bütün bədən üzvləriniz çirkin işlərdən uzaq olmalıdır.”


Məsumların nurlu kəlamlarından 500 hədis (481-500)
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.