Bəhanə

Əllərim cibimdə gəzirəm şəhərin palçıqlı küçələrini..qol -qola girib evə tələsən sevgililər dəyir gözümə hərdən..dünya üzərində var olan hər şey nə gözəl bəhanədir səni xatırlamaq üçün.. yağış yağsa bəhanədir , qarda donsan bir bəhanə.. tək gəzsən bəhanədir , dostlarla olsan bir bəhanə.. kitab oxusan bəhanədir , mahnılar da bir bəhanə..
" Burda olsa nə gözəl olardı " deyir insan hər fürsətdə amma mən heç zaman " nə də gözəl yaraşardıq" deyə bilmirdim.. yaraşmazdım ki , sənə bir damcıda.. çirkin , yöndəmsiz adamam mən.. insanların yolda görərkən təəccübləndiyi , hər zaman öz aralarında olarkən " bütün gözəl qızlar çirkin kişilərə qismət olur " dedikləri o adamam..o adamam ki , ağzını bıçaq açmaz mövzu sən olanda.. qapanar öz içinə , ağır ağır alar nəfəsini çox yerini zəbt etdiyin sinəsindən..çatılan qaşları bir az daha çirkinləşdirər üzünü..
Niyə hirsliyəm bilmirəm sənə..nəyin haqq hesabın çəkirəm illərdir?
Bağışlaya bilmirəm ikimizi də..səni hələ də məni sevdiyinçün..
özümü də qürura kölə etdiyimdən..