"Acizlik"

- Çox çətin və ağrı verən bir hissdir, arxaya baxmadan çıxıb gedə bilmək.Xatirələr və həqiqi görsənən insanlar, önünü kəsib, durmanı istəyərlər.Əslində səndə onlara görə getmək istəmərsən, amma alınmır.Bu şəhərdə lənətləndikcə daha çox zərbələr qazanırsan və daha çox insan səni aldatmağa meyilli olur. Hər gün eyni yaşam planı ilə yola düşürsən.Təsəvvür edə bilirsənmi, arxaya boylanarkən, bir-birinə yapışmış və digərindən fərqi olmayan eyni yaşamı seyr etmək.İnsan bir anlıq özünü kimsəsiz və dəyərsiz hiss edir.

- Məndə bu gün çox dəyərsiz olduğumu anladım. Biraz ətrafı gəzdim və suallar verməyə başladım.
- Mən nə vaxtdan heç kim oldum?
- Fikrimcə bir insan dəyərsiz olduğunu anladığı gündən, hər gün özünə bu sualı verər.Özümü yer kürəsinin cədvəli kimi hiss edirəm.Günəş çıxanda gündüz, ay boylananda gecə adlandırılan, sadə və yalnız görsənən cədvəl.Nəyə lazım idi axı gərəksiz günlər və uzun ömürlər?

- İnsan övladı yaşadığı günlərin qədrini bilmiyəcəkdisə, qədirli günləri niyə bizə verdi Tanrı?!
- Bu yazını oxuyan insanların, əminəm əksəriyyəti uşaqlığına qayıtmaq istəyər.Axı kim məsum olduğu və hiss etdiyi fəsillərdə, yəni uşaqlığında yaşamaq istəməz?!

- 2007 qış fəsli.Qar topuların gücü və divarlarda yazılan tarix. Xoşbəxtliyimizi çəkəcək retricalar olmasada, bizi qısqanan mələklər var idi, göylərdə. Xoşbəxtlik dizə qədər idi, dizdən yuxarı olmasına ehtiyyac yox idi, onsuzda xoşbəxtlik göydən ağ buludlar şəklində təmiz və səssiz yağırdı. Ola bilər gələcək illərdədə qar yağsın, amma xoşbəxtlik yağacaqmı onu bilmirəm.

- İnsan böyüdükdən sonra heçnə qazanmır, itirdiyini itirib böyüdüyü gündən etibarən. Əslində kağız parçasına o qədər möhtac qalmışıq ki, bir-iki dənəsini qazandıqdan sonra özümüzü xoşbəxt sanırıq.Xoş günlərin bir parçası mənə qismət oldu,onda da uşaq idim, sandım ki, mən böyüdükçə oda böyüyəcək.Amma təəssüf böyümədi, qurduğum xəyallar qurulmadı.
- Bu yalnızlığı nəyə borcluyam bilmirəm.İnsan tək qaldığı gündən deyil,təkliyi sevdiyi gündən etibarən yalnız olar.

- Yalnızlığı sevmək gözəl deyil, sadəcə acizlikdi.Acizliyi sevmək, acı verici bir ağrıdır İlahi...
"Təklik Allaha məxsusdur,bizdə Alllaha.Layiq olmadığımız hisslərə,ağrılara layiqiysə deməli məxsus olduğumuz tək hiss acizlikdi".

- Süleyman Əliyev