Həqiqət

13 Aralık 2015
1 464
2
Həqiqət
Həqiqət

Həqiqət

HƏQİQƏT

Həqiqəti pıçıltıyla dedilər

Haylı-küylü yalanların içində.

Həqiqəti daim başda gördülər,

Oda düşüb yananların içində.

Yeri düşsə qum göyərər, daş çıxar,

Bir doğruyla neçə yalan boş çıxar,

Bacarırsan həqiqətlə baş çıxar

Həqiqəti dananların içində.


Sən doğru de, söyləməmiş başqası,

Söküləcək yalanların maskası,

Qiyməti də artıq olar daş-qaşın

Köhnə, nimdaş palanların içində.

Sovrulacaq bir gün hədər yalanlar,

Öz xeyrini ancaq güdər yalanlar,

Ölülərlə ölüb gedər yalanlar,

Doğru yaşar qalanların içində.


Yalan deyib, gizli-gizli öyüyüb,

Hər yalançı təsəlliyə keyiyib,

Doqquzaylıq bir həqiqət böyüyüb

Saçlarını yolanların içində.

Mən könlümü həqiqətə vermişəm,

Qapısını açıq görüb, girmişəm.

Həqiqəti mən təzə-tər görmüşəm,

Ömrü-günü solanların içində.


Kölgəsinə mahal yığar qoca tut,

Sən üzünü doğru üçün borca tut,

Həqiqətin bayrağını uca tut

Yalan deyən nadanların içində.

Həqiqət

Nüsrət Kəsəmənli
Əvvəlki Xəbər Növbəti Xəbər
RƏYLƏR
sevgi^_^
maraqli xowuma geldi cox saol paylawdign ucun
Alev..
  • Alev..
  • 13 Aralık 2015 17:57
-təşəkkürlər.....
RƏY ƏLAVƏ ET