İnanma
Əcəl yetib ömür başa çatanda,
Günün keçib boş-boşuna,inanma.
Saçın yolub ah,fəğan edən kim,
Bivəfanın göz yaşına inanma.
***
Həyat səni bir sınağa çəkəndə,
Ruhdan düşmə ümidlərin itəndə.
İstədiyin arzulara yetəndə
Çatmısanmı özbaşına,inanma.
***
Qəza-qədər,alın yazı qismətin,
Təmiz saxla abır,həya,ismətin.
Qədrini bil,ver özünün qiymətin
Bir kimsənin şabaşına inanma.
***
Bilmirəm ki,bu dünyanın sirri nə,
Bilsəm,özüm şərik ollam dərdinə.
Eşqin odu düşməyibsə qəlbinə
Çalış,onun göz-qaşına inanma.
***
Mövlud,sənin məhəbbətin ümmandır,
Həyat yolu çən,çiskindir,dumandır.
Nadanları ha başa sal,ha qandır,
Davasına,savaşına inanma.
25.02.2014.Zərdabi.Mövlud Ağamməd.