♥_Yaşa məni,Yaşat məni_♥

Mənim eşq nəğməmə hey qulaq verib,
O yağan yağışlar nə deyir görən?
Üzümə zillənib məni məst edən
O ürkək baxışlar nə deyir görən?



"Mən səni sevirəm" - deyib dayanma,
Bütün hisslərini israr elə sən.
Sən mənim həyatım, gözümün nuru,
Bu qisim sözləri təkrar elə sən.



Günəş gözlərinlə yandır üzümü,
Öldür baxışınla ruhu bədəndə,
Sən məni qınama, təəccüblənmə heç,
Belə ölmeyimə dəyər deyəndə.



Şairin qüvvəsi sözlərindədi,
Sevgini sözlərlə yazmaq asanmı?
Görəsən oxuyub bu sətirləri,
Mənim hisslərimi anlayarsanmı?



"Sevirəm" - çığıran bu sətirləri,
Duya bilmirsənsə deməli karsan!
Bilmirəm səninçün mən varam,ya yox,
Mənim ürəyimdə həmişə varsan!



Deyirsən məhəbbət yaşamır daha,
Özünü aldadıb yorma boş yerə!
Məhəbbət deyilsə izah et, gülüm,
Bəs nədir qəlbimi titrəden belə?




Bir yaxın gəl,əlini qoy sinəmə,
Ürəyim köksümdə qaynar ocaqdır.
Eşqin qaldırıbdı məni göylərə,
Yerə endirən də o olacaqdır...