Şahin İlqar - "Sən Uşaq Ağlınla..."

Qorxulu gözlərin qəm kölgəsində,
Ağlaya-ağlaya gülmək çətindir.
Üzəcək qəlbini hər nəfəsində,
Sevgimi, nifrətmi, bilmək çətindir...


Ürək daşa dönür dərdə doyanda,
Eşqin kitabında sən ən sondaydın.
Gözlərin qəlbimi oğurlayanda,
Sən öz qismətinin arzusundaydın.


Kaş mən də öləydim ümidim kimi,
Əlini başqa bir ələ uzatdın.
Sən uşaq ağlınla şair qəlbimi,
Zülmət gecələrin qoynuna atdın...

Şahin İlqar