Üreyi senincun vururmu yene?
Həmişə saçını açıb tökərdin
Bu günsə saçların heç daranmayıb.
Dodağın boyasız gör nə haldasan
Bu həyat səninlə xoş davranmayıb
Həmişə geyimi dəblə alardın
İndisə köhnə bir don geyinmisən.
Gizlətmə qolunun yaralarını
Deyəsən evində çox deyinmisən.
Sevgisinə inandığın oğlanın
Ürəyi səninçün vururmu yenə?
Səni itirməkdən yaman qorxardı
Qorxusu qəlbində dururmu yenə?
Ağlama qürurun enməsin sənin
Mənimçün bir dəfə heç endirmədin
Günahkar olsan da mən barışmışam
Özün gəlib məni heç dindirmədin
Qaldır sən ey qadın,qaldır başını
Yenə də qarşımda vüqarla dayan.
Dik bax gözlərimə əyilmə qadın
Bu tale,bu baxta israrla dayan.
Özümə ağladım mən illər boyu
Özünə ağlatma,ağlatma məni.
Vəfalı olmuşam öz yoldaşıma
İndisə bu yolda axsatma məni
Nə sığal çəkərəm telinə sənin
Axan göz yaşını qurutmaram mən.
Alıb qollarıma xoş sözləriylə
Yalan kəlmələrlə ovutmaram mən
Daha gecdi ikimiz də evliyik
Bu görüş də olsum bizim sirrimiz
Mən oğluma deyim sənsə qızına
Xəbər etsin ölsək hansı birimiz
Müəllif:Fərid Məmmədov