Sevərsənmi?
Bir gül dərsəm - gülərsənmi,
Haray salsam - gələrsənmi,
Ayrılığın göz yaşını
Silərsənmi, silərsənmi?.
Haray salsam - gələrsənmi,
Ayrılığın göz yaşını
Silərsənmi, silərsənmi?.
[center]![Sevərsənmi?]( "Sevərsənmi?")
[/center]
Bu dünyada varım sənmi,
Vardan əzəl yarım sənmi,
Bir kimsəni məndən əziz
Bilərsənmi, bilərsənmi?...
Vardan əzəl yarım sənmi,
Bir kimsəni məndən əziz
Bilərsənmi, bilərsənmi?...
Yollarıma yağan çənmi,
Saçlarıma düşən dənmi,
Bu yollarda mənə uğur
Dilərsənmi, dilərsənmi?...
Saçlarıma düşən dənmi,
Bu yollarda mənə uğur
Dilərsənmi, dilərsənmi?...
Gec qayıtsam - dözərsənmi,
Tez qayıtsam - bezərsənmi,
Sənə könül bağışlasam,
Sevərsənmi, sevərsənmi?
Tez qayıtsam - bezərsənmi,
Sənə könül bağışlasam,
Sevərsənmi, sevərsənmi?
