Kinder süd dilimi (ev şəraitində)
Tərkibi:
korjlar üçün:
220 q kərə yağı
250 q şokolad (50% kakao)
1 ç.q. narın üyüdülmüş təbii qəhvə
4 yumurta
200 q qəhvəyi şəkər tozu
200 q ağ şəkər tozu
1 x.q. vanilli şəkər
1/2 ç.q. duz
160 q ələnmiş un
qanaş:
250 q şokolad
250 ml yağlı qaymaq (33%)
50 q kərə yağı
50 q şəkər tozu
2 ç.q. üyüdülmüş qəhvə
1 çimdik duz
vanil (istəyə görə)
Hazırlanması:
Korj üçün kərə yağını kubik doğrayın, şokoladları hissələrə bölün. Hamısını ləyənə qoyun. Su hamamına qoyub əridin, qəhvə əlavə edib eynicinsli kütlə alınanadək qarışdırın.
Başqa ləyəndə yumurtanı həm ağ, həm qəhvəyi, həm də vanilli şəkər tozu və duzla çalın. Şokolad qarışığını əlavə edib qarışdırın. Sonra isə ələnmiş unu əlavə edin. Bircinsli kütlə alınanadək qarışdırın.
İki eyni formalı sinini (təxminən 20x26 sm) yağlayın, perqament döşəyin. Xəmiri yarı bölüb sinilərə tökün, 180 dərəcə qızdırılmış sobada bişirin. Üstündə yüngül kristallik qabıq əmələ gələnədək, təxminən 12-15 dəqiqə bişirin. Bu zaman korjların ortası yumşaq olmalıdır.
Siniləri sobadan çıxarın. Dəmir setkanın üstünə qoyub otaq temperaturuna qədər soyudun. Korjları formadan çıxarın, perqamenti soyun.
Qanaşı hazırlamaq üçün şokoladı parçalara bölün. Qaymağı tayqulpa tökün, üzərinə şəkər tozu, yağ, vanil və qəhvə əlavə edin. Ocağın üstünə qoyun, qarışdırın, qaynara düşəndə götürün. Bu qarışığı şokoladın üstünə ələkdən süzün, şokoladın əriməsi və bircinsli kütlə alınması üçün qarışdırın. Sonra 2 saat saxlayın, bu müddətdə o qatılaşacaq.
Bir korju buluda qoyun. Qanaşın 2/3-ni üstünə çəkin. İkinci korju üstünə qoyub qalan qanaşı da bunun üstünə çəkin.
Soyuducuda bir neçə saat saxlayın.
Nuş olsun!
