Uşaqlarınız Bu Keksi Çox Bəyənəcək
Tərkibindəkilər:
• 1 paket kakaolu keks
• 1 paket qaymaq
• 1 paket südlü şokolad
• Balaca taxta çubuqlar
• Balaca rəngli tort konfetləri
Hazırlanması:
Keksi rəndələyib qaba tökün. Üzərinə qaymağın yarısını boşaldıb xəmir halına gələnə kimi qarışdırın. Alınmış xəmirdən qoz böyüklüyündə dairələr hazırlayın. Siniyə yağlı kağız sərin, düzəltdiyiniz xəmirləri üstünə düzüb soyuducuda 15-20 dəqiqə saxlayın. Bir az bərkiyəndən sonra xəmirləri soyuducudan çıxardın. Şokoladı əridib dairələrin bir tərəfini şokolada batırın. Şokoladlı hissə üstə düşmək şərtilə yenidən siniyə düzün. Üstünə çubuqları batırın. Qaymağın qalan yarısını qarışdırıb dairələrin şokolada batmamış tərəfinə çəkin. Üzərinə rəngli konfetləri töküb bəzəyin.
Nuş olsun!