Gül səbəti tortu - Foto Resept
Biskivit üçün:
5 ədəd yumurta
1 st şəkər tozu
1 st un
1 paket qabartma tozu
Vanilin
Krem üçün:
Qaymaq 33%li -350 q
Moskarpone -500 q
1 fincan şəkər pudrası
Mastikanın alt kremi üçün:
"Best Cow" kərə yağı -200 q
Qatılaşdırılmış süd -200 q
Üzərindəki dekor işləri marzipandan hazırlanıb.
Hazırlanma qaydası:
İlk olaraq biskivit hazırlanır. Bunun üçün yumurta şəkər tozu ilə çalınır.
Üzərinə ələkdən keçirilmiş un, qabartma tozu və vanilin əlavə olunur və qaşıqla ehtiyatla qarışıdırılır.
List yağlanır qarışıq listə tökülür 180 dərəcədə bişirilir.
Kremi hazırlamaq üçün lazım olan ərzaqlar mikserlə yaxşı-yaxşı çalınır.
Tortun üzərinə krem hazırlamaq üçün yağı mikserlə çalıb qatılaşdırılmış südə qatılır.
Qaymaqlı kremi biskivitin aralarına çəkirik. İstəyə görə aralarına meyvə dilimləri də düzə bilərsiz.
Biskivitin üzəri üçün isə qatılaşdırılmış süd ilə olan krem çəkilir və soyuducuya qoyulur.
Marzipanı əlimizlə yumşaldıb oxlovla yayırıq. Bir az böyük yaymaq lazımdı.
Soyuducudan tortu çıxarıb üzərini marzipanla örtürük.
Fiqurların köməyi ilə güllər kəsilir.
Yarpaq formalı fiqurla yarpaqlar kəsilir.
Gülləri qurutmaq üçün yumurta qabları əla seçimdir. Orda daha rahat quruyur.
Güllər xüsusi tort üçün olan simlərə bərkidilir və əzilməməsi üçün şəkildəki qaydalara əməl edilməlidi.
Səbəti hazırlamaq üçün şəkildəki formalar düzəldilir. Hamısı eyni olmalıdır.
Artıq səbət hazırdır. Üzərinə isə gülləri batırırıq.
Buyurun, nuş olsun. Qoy həyatınız Bu tort kimi şirin, gülləri kimi gözəl olsun.
Nuş olsun!
