İstanbul plovu

Feat.Az İstanbul plovunun hazırlanma qaydasını təqdim edir

Tərkibi:

2 st. düyü

2.5 st. su

1 toyuq filesi

1 çimdik zəfəran

3 x.q. kərə yağı

50 q badam

1 st. göy noxud

1 ç.q. zəncəfil tozu

50 q fıstıq

duz


Hazırlanması:

Toyuq ətini suda bişirin. Suyunu süzün (atmayın).

Zəfərənı 1/4 st. qaynar suda yarım saat dəmləyin.

Düyünü yarım saat duzlu suda isladın, yuyub suyunu süzün.

Kərə yağını əridin, badamı 1-2 dəqiqə qovurduqdan sonra düyünü əlavə edin. 5 dəqiqə qovurun. Zəfəranlı suyu toyuq bulyonuna əlavə edin.

Toyuq ətini didin, noxud, zəncəfil və duzla birlikdə düyüyə qatın. Üzərinə zəfəranlı toyuq bulyonunu töküb suyu çəkilənədək vam odda bişirin. Altını söndürüb fıstığı əlavə edin. Yarım saat dəmləyin.

Nuş olsun!