Ağ gilas mürəbbəsini belə bişirin – HAZIRLANMA QAYDASI
Tərkibi:
1 kilo ağ gilas
700 qr şəkər tozu (üstünü örtəcək qədər)
Hazırlanma qaydası:
Yuduğunuz gilasların dənəsini çıxarıb ləyənə tökün. Üzərinə şəkər tozunu əlavə edin. Bir gecə soyuducuda saxlayandan sonra səhərisi gün vam odda şəkər tozu əriyib gilaslar yumşalana qədər bişirin. Yumşalan gilasları çox dağılmaması üçün iri kəfkirlə başqa bir qaba yığın. Şərbətini isə 10 dəqiqə qaynadın. Sonra gilasları əlavə edib 3-4 dəqiqə bişirərək ocağı söndürün. İsti-isti bankalara yığıb ağzını möhkəm bağlayın.
Tövsiyə: Mürəbbəni bişirərkən içinə portağal, limon qabığı da rəndələyə bilərsiniz.
Nuş olsun