Bir saatlıq xəlifə tortu resepti

28 Eylül 2017
2 266
0
Bir saatlıq xəlifə tortu resepti
Tərkibi:
Xəmir üçün:

280 q un
170 q kərə yağı
50 q şəkər tozu

Kəsmikli qat üçün:

800 q kəsmik (4%-li)
130 q şəkər tozu
3 yumurta
40 q kartof nişastası
1 çimdik vanil

Şokoladlı qat üçün:

250 q tünd şokolad (72%)
200 q 22%-li qaymaq
1 x.q. konyak

Xamalı "üzlük" üçün:

250 q xama
50 q şəkər tozu

Üzərinə:

kakao tozu

Hazırlanması:

Xəmir:

Un, yumşaldılmış kərə yağı və şəkər tozunu qarışdırın. Kənarı açılan 26 sm diametrli formanın dibinə perqament döşəyin. Xəmiri içinə döşəyib, kənarlarını formanın qırağı boyu yuxarı qaldırın (divar kimi).

Şokoladlı qat:

Şokoladı xırdalayın, üzərinə qaymaq töküb mikrodalğalı sobaya qoyun, maksimum temperaturda 1 dəqiqə saxlayın. Çıxarıb eynicinsli kütlə alınanadək dayanmadan çalın. Konyak əlavə edib qarışdırın, soyuducuda 5 dəqiqə saxlayın.

Formanın içindəki xəmirin üzərinə tökün. Dondurucuda 20 dəqiqə saxlayın. Bu ona görə lazımdır ki, şokoladlı qat kəsmikli sufleni üzərinə qoyanda ona qarışmasın.

Kəsmikli qat:

Mikserdə kəsmik, şəkər tozu, yumurta, nişasta və vanili çalın.

Formanı soyuducudan çıxarın, kəsmikli qarışığı şokoladlı qatın üzərinə yayıb hamarlayın.

Əvvəlcədən 180 dərəcə qızdırılmış sobada 1 saat bişirin.

Xama ilə şəkər tozunu sonuncu əriyənədək qarışdırın (asan olması üçün bir qədər qarışdırıb saxlayın, şəkər tozu əriyəndən sonra bir də çalın).

1 saat keçdikdən sonra tortu sobadan çıxarın (sobanı söndürməyin), xamalı kremi üzərinə çəkin. Ola bilər ki, kəsmikli qatın ortası bir qədər qalxsın, o zaman tortu 10 dəqiqə soyudun, sonra xamalı kremi üzərinə yayın.

Sobaya qaytarıb daha 10-15 dəqiqə bişirin.

Sobadan çıxarıb tam soyudun.

Üzərinə kakao tozu səpin. Bu zaman trafaretdən istifadə edə, üzərini şokolad yonqarı, giləmeyvə ilə bəzəyə bilərsiniz.

Nuş olsun!
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.