Çiyələkli milfey resepti
Qat - qat xəmiri 500q
Çiyələk
Krem üçün:
Kərə yağı 100q
Yumurta 3 ədəd
Şəkər tozu 2 stk.
Un 4 x.q.
Süd 1 stk.
Hazırlanması:
Qaymaq (30 - 33% yağlı) 1 stk. İlk öncə qat - qat xəmirini 5 mm qalınlığında yayırıq. Daha sonra xəmiri bərabər ölçüdə dairələrə ayırırıq. Bunu asanlıqla stəkan vasitəsi ilə etmək olar. Xəmir dairələrin üzərində çəngəl ilə deşiklər edirik. Sobanı 200 dərəcəyə qədər isidb milfey xəmirini 20 dəqiqə ərzində bişiririk.
Kremimizi hazırlamaq üçün yumurtaları şəkər tozu ilə birləşdirib, yüksək sürətdə çalırıq. Qarışıma un və südü əlavə edib, kütləni yaxşıca qarışdırırıq. Hazırladığımız qarışımı orta hərarətli odda dayanmadan qarışdıraraq, qaynamasını gözləyirik. Kütlə qatılaşana kimi qarışdırmağa davam edirik. Qatılaşmış krem soyuyandan sonra, üzərinə yumşaq kərə yağı və qaymağı əlavə edirik. Kremi mikserin vasitəsi ilə yüksək sürətdə 4-5 dəqiqə ərzində çalırıq. Kremimiz hazırdı. Hazır kremi milfey xəmir dairələrin üzərinə səliqəli şəkildə yerləşdiririk. Daha sonra kremin üzərinə çiyələkləri yerləşdirməyə başlayırıq. Milfeyləri iki mərtəbəli formada etmək üçün bir dairəni digərin üzərinə eyrləşdirin. Hazır çiyələkli milfeylərin üzərinə şəkər oudrası səpərək süfrəyə verə bilərsiniz.
Nuş olsun!
