Lavandalı peçenye

Qoxusu xoşbəxtlik gətirən lavandadan peçenye hazırlandığını bilirdinizmi? Yeni dadlar axtaranlar bu ətirli peçenyeni sınamağa dəyər.

Tərkibi:
60 ədəd üçün:
180 qr kərə yağı
120 qr şəkər tozu
2 ədəd yumurta sarısı
1 çay qaşığı qurudulmuş lavanda
1 çay qaşığı rəndələnmiş limon qabığı
325 qr un

Hazırlanma qaydası:
Bir qabda kərə yağıyla şəkər tozunu mikserlə çırpın.
Lavanda və limon qabığı əlavə edib qarışdırın.
Daha sonra yumurtaları bir-bir əlavə edərək dayanmadan çırpın. Un əlavə edib xəmir yoğurun.
Xəmirə uzunsov şəkil verib streç salafana bükün. Xəmiri donması üçün soyuducunun dondurucu rəfinə yarım saatlıq yerləşdirin.
Soyuducudan götürdüyünüz xəmiri 6-7 mm qalınlığında dilimləyin. Soba sinisinə düzün və 180 dərəcə qızdırılmış sobada təxminən 12 dəqiqə bişirin.

Nuş olsun!