Şor qoğalın asan HAZIRLANMA QAYDASI

20 Haziran 2022
3 593
0
Şor qoğalın asan HAZIRLANMA QAYDASI
Məxsusi şirniyyatlar var ki, onlarsız bayram süfrələrini təsəvvür etmək mümkün deyil. Həmin şirniyyatlardan biri də şorqoğalıdır. Bəziləri şor qoğalı hazırlamağın çətin olduğunu düşünərək hazır almağa üstünlük verir. Amma Feat.Az-ın verəcəyi bu reseptlə özünüz evdə ləzzətli bayram şorqoğalı bişirə biləcəksiniz.



Lazım olan ərzaqlar:



1 kq un

2 yumurta

50 qr kərə yağı

1 çay qaşığı maya

0.5 çay qaşığı şəkər tozu

Azca süd

1 çay qaşığı duz

Sarıkök



İçlik:



200 qr kərə yağı

400 q un

2 çay qaşığı cirə (döyülmüş)

2 çay qaşığı razyana (döyülmüş)

0.5 çay qaşığı sarıkök

0.5 çay qaşığı duz

0.5 çay qaşığı istiot



Hazırlanma qaydası:




Ələnmiş una göstərilən ərzaqlar qatılmaqla bərk xəmir yoğurulur və acımaq üçün 1-1.5 saatlığa isti yerdə dincə qoyulur. Xəmir gəldikdə 150-200 q kündələr tutulur və 0.5 mm qalınlıqda yayılır. Xəmirlər yayıldıqca əridilmiş yağ çəkilərək qat-qat yağlanaraq yığılır 10x15 sm irilikdə doğranır. Tikələr burularaq azacıq yastılanır və çökəklik əmələ gətirilib içlik qoyulur, xəmirin qıraqları birləşdirilib hamarlanır, qoğal formasına salınır və üzərinə zəfəranla yumurta sarısı çəkilib sobada bişirilir. İstəsəniz, üzərinə çörəkotu da tökə bilərsiniz.



Nuş olsun!
lent.az
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.