Klassik Özbək plovu - Resept
400 qr. quzu əti
2 st. düyü
2 böyük kök
2 baş soğan
100 qr. quzu quyruğu
1 baş sarımsaq
duz
isiot
sarıkök
cirə
Hazırlanması:
1. Düyü bir neçə dəfə yaxşı yuyulur, ağ suyu tam yuyulana kimi. Sonra duzlu suda islanır.
2. Qalın və dərin qazan qızdırılır. İçinə xırda doğranmış quyruq qoyulur və yaxşı qızardırıllr. Tam yağı buraxanda, qızarmış quyruq tikələrini qazandan çıxarılır.
3. Qaynar yağın içinə nazik doğranmış soğan əlavə olunur və rəngi dəyişənə kimi qızardırılır.
4. Soğanın içinə kəsilmiş ət tikələri əlavə olunur. Qızardırılır.
5. Kök kəsilir və ya sürtkəcin böyük gözündən keçirdirilir, qazana əlavə olunur. Hamısı 5 dəqiqə bir yerdə qızardırılır.
6. Cirə əlavə olunur və tez-tez qarışdırılır. Hamısını örtəcək qədər qaynar su əlavə olunur. Duz, istiot, sarıkök səpilir. Qazanın atəşi azaldılır və 20-25 dəqiqə bişirilir.
7. Qazana düyü əlavə olunur və qaynar su tökülür, su düyüdən 1 barmaq çox olmalıdır. Atəşi yenidən çoxaldırıq, qapağı bağlamırıq.
8. Su çəkiləndə qazanın yanından ortasına düyünü yavaşca qarışdırırıq. (yalnız düyünü! ) Ortada biraz yer edin baş sarımsağı batırırıq içinə. Düyünün üzərinə əvvəl boşqabla sonra isə qapaqla bağlayırıq.
9. Az atəşdə 10-15 dəqiqə bişiririk. Qazanın altını keçirdib 30-35 dəqiqə qapağı açmamış saxlayırıq.
10. Servis edərkən plovu qarışdırıb boşqaba çəkirik, sarımsağı üzərinə qoyuruq.
Nuş olsun!
