Bunları etsəniz, sevgiliniz sizdən ayrılmaz - 7 MƏSLƏHƏT
1. Həssas davranmaq. Həssas və nəzakətli davranışlar qarşınızdakına önəm verdiyinizi, ona sevildiyini hiss etdirir. Nəzakətli və həssas davranışla qarşılaşanların özlərinin də bir müddət sonra eyni formada davranmağa başlamalarına dair bir çox dəlil var. Bu, zamanla qarşılıqlı eşqi, sevgini və bağlılığı artırır. Həssas və nəzakətli olmaq sabit bir şəxsiyyət xüsusiyyəti deyil. Əslində bunu daha çox bir əzələ kimi düşünə bilərsiniz. Bəzi insanlarda daha inkişaf etmiş olur, digərlərinin isə bunun üçün çalışması lazımdır.
2. Şekspirin ölümsüz aşiqləri Romeo və Culyettanın hekayəsi insan təbiəti ilə əlaqədar çox əhəmiyyətli bir həqiqəti gözəl izah edir ki: “Comərdliyim dəniz kimi əngin.
Sevgim dərindir! Sənin üçün nə qədər çox şey versəm, mənə daha çox geri qayıdır. Çünki qaynaq sonsuzdur”. Şekspirin də dediyi kimi, qarşınızdakı adama nə qədər incə və həssas davransanız, bir müddət sonra ondan daha çoxunun sizə geri dönəcəyinə inana bilərsiniz.
3. Təbii olaraq, həssas və nəzakətli davranmanın ən çətin olduğu zamanlar döyüş anlarıdır. Həssaslıq əsəbi sakitləşdirmək və gizləmək mənasını vermir. Sadəcə olaraq əsəbiliyi ifadə etmə formasını təyin edir.
Məsələn, əgər həyat yoldaşınız və ya sevgiliniz gecikirsə, “eynilə anan kimisən, hər zaman gecikirsən, başqaları vecinə deyil” sözlər desəniz, qarşınızdakı böyük ehtimalla ya hirslənəcək, ya özünü müdafiə edəcək, ya da əks hücuma keçəcək.
Bunun yerinə həssas və nəzakətli bir yanaşma nümayiş etdirin. Məsələn, deyin ki, “bilirəm, çox məşğulsan, bir çox şeyi birlikdə idarə etməyə çalışırsan, amma məni gözlətdin və mən narahat oldum”, -deyərək daha müsbət bir nəticə əldə edə bilərsiniz.
4. Xüsusilə mübahisə etdiyiniz anlarda qılınc kimi kəskin sözlərlə qarşındakını yaralamaq yerinə, özünüzü əsəbi və ya kədərli hiss etmə səbəblərinizi onu günahlandırmadan izah edin. Bununla da, əlaqələrinizi tükətmədən problemləri həll edə bilərsiniz.
Həssaslığın ən çox əhəmiyyət qazandığı digər bir məqam isə əlamətdar günləri qeyd etmə anlarıdır. Həyat yoldaşınız tərifnamə aldıqda, hətta sadəcə olaraq pərəstiş etdiyi komanda qalib gəldikdə belə, onu ürəkdən təbrik edin, bunu qeyd edin. Bu cür addımlar münasibətlərinizin ömrünə ömür qatar.
5. Comərd davranmaq dedikdə ilk ağlınıza gələn bahalı hədiyyələr ola bilər. Amma əslində daha çox gündəlik davranışlar nəzərdə tutulur. Məsələn, siz televizor seyr edərkən həyat yoldaşınız və ya sevgiliniz onun üçün əhəmiyyətli bir şeydən söz açsa, dönüb onu dinləmək. Etdiyi gözəl şeylər üçün ona ürəkdən təşəkkür etmək. Sizdən ehtiyac duyduğu bir xahiş edirsə, nə qədər yorğun olsanız da, ona kömək etməkdir. Sizə göstərdiyi fotoşəkilə baxa, ya da 2 saniyə ərzində mobil telefonunuza baxa bilərsiniz. Romantik bir bağ qurmaq üçün edilən hər bir cəhd əhəmiyyətlidir.
6. Kiçik anlara qarşı laqeyd yanaşmağınız aranızdakı bağın zəifləməsinə və qarşınızdakının sizdən gedərək uzaqlaşıb, artan bir hirs və inciklik hiss etməsinə yol açır. Qarşınızdakını günahlandırmazdan əvvəl niyyətini anlamağa çalışın. Məsələn, sizinlə görüşməyə vaxt ayırmadığı üçün hirsləndiyiniz sevgiliniz əslində həmin axşam əlavə bir layihə tamamlayıb əldə edəcəyi əlavə qazancla sizi doğum gününüzdə gözəl bir yeməyə aparmağı planlaşdıra bilər. Ya da anasının yanında sizin xətrinizə dəyən bir söz söylədikdə, əslində niyyətinin sizi qorumağa çalışmaq olduğunu anlamağa çalışın.
7. Qarşılıqlı xoşbəxt olmağınızın, uzun ömürlü münasibətin sirri bir-birinizə qarşı bəhanəsiz şəkildə həssas və səxavətli davranmaqdır - hərdən bir deyil, hər gün, bir dəfə deyil, hər an.
