Ayrılıq acısını unutmaq üçün cəmi 3 ay

Ayrılığı münasibətin sonu deyil, dünyanın sonu kimi yaşayırıq. Bəs “zaman hər şeyin dərmanıdır” deyirlər, bu, doğrudurmu bu? Bəli – doğrudan da ayrılıqdan 3 ay sonra az da olsa, özünü yaxşı hiss etmək mümkündür.
Bəziləri özünə gəlmək üçün yaşanılan sevgi münasibətinin heç olmasa yarısı qədər vaxt keçməli olduğunu, ya da sınmış qəlbə zamanın heç bir faydası olmadığını düşünür. Halbuki ayrılıqdan 3 ay keçəndən sonra əksər insanlar bu yaşananlarda işıqlı bir tərəf görməyə başlayırlar.

Feat.Az bildirir ki, “Journal of Positive Psychology” tərəfindən təşkil edilən araşdırmada 155 gənc iştirak edib. Onlar ayrılıq acısını düz 11 ay əvvəl yaşayıblar. İştirakçıların 71 faizi ayrılıqdan sonra “Özüm haqda daha çox şeylər öyrəndim”, “şəxsiyyət olaraq böyüdüm” və “daha çox məqsədyönlü olmağa başladım” deyiblər.

Əlbəttə, 3 ay təxmini vaxtdır. Bəzilərimizin sınmış qəlbimizi bərpa etməyə daha çox, bəzənsə daha az vaxta ehtiyacımız olur. Ancaq nəticələr 3 ayın ayrılıqdan sonra özünə gəlməyə həqiqətən kömək etdiyini müəyyənləşdirib.

Mənəvi böyümə və pozitiv emosiyalara yüklənmə ayrılığın bizə öyrətdiyi daha əhəmiyyətli dərsləridir. Ayrılıq da bizi öldürməyən, əksinə, bizi gücləndirən bir şeydir.
Ayrılıq narkotik maddə aslılığı kimi çətin bir şey olduğundan keçmiş sevgilini beyindən atmaq çətin olur.