Gözaltı ləkələrdən asanlıqla qurtulacaqsınız – SADƏ ÜSULLAR
Kartof suyu
Kartof suyunda olan elementlər gözaltı ləkələrinizdən qurtulmanızı təmin edəcək, göz şişkinliyini aradan qaldıracaq.
Lazım olanlar:
Kartof (soyulmuş)
Rəndə
Cuna
Hazırlanması:
Kartofu rəndələyib, bir cunanın içərisinə yığıb, möhkəm bağlayın. Oradan süzülən kartof suyunu bir kasaya sıxın. Kartof suyuna pambıq batırın və onu 15-20 dəqiqə boyu gözlərinizin üzərində saxlayın. Daha sonra ilıq su ilə yuyun. Təsirli nəticələr üçün bunu hər gün təkrarlayın.
Paket çay
İstifadə olunmuş bir çay paketini götürün və 15 dəqiqə gözünüzün altındakı ləkələrin üzərində saxlayın. Bunu hər gün təkrarlaya bilərsiniz.
Badam yağı
Badam yağı dərinin rahatlatmasına və nəmlənməsinə kömək edən təbii bir yumşaldıcıdır. Badam yağı qan damarlarının daralmasına yardımçı olan K vitamini baxımından zəngindir. Həmçinin, badam yağı, şişmiş gözaltı ilə əlaqədar tünd rəngli halqaların azalmasına yardımçı olan təbii anti-enflamatuar özəlliklər daşıyır.
Pambığı badam yağına batırın və yavaşca gözaltı ləkələrinizin üzərinə vurun.
Yağın dərinizdə 6-7 saat boyu qalmasına icazə verin. Bu müalicəvi üsulu gecə həyata keçirməyiniz daha məqsədəuyğun olar. Səhərisi ilıq su ilə yuyun.
Daha təsirli nəticə almaq üçün bu üsulu 2 həftə tətbiq edə bilərsiniz.
Xiyar dilimləri
Gözaltı ləkələrinizin üzərinə 15-20 dəqiqə ərzində xiyar dilimləri qoyun. Mükəmməl nəticə üçün hər gün bunu təkrarlaya bilərsiniz. Alternativ olaraq, bir xiyarın suyunu da sıxıb pambıq vasitəsilə ləkələrinizə sürə bilərsiniz.
Bunlarla yanaşı
- Hər gün 8 və ya 10 stəkan su içməlisiniz.
- Kifayət qədər yatmağa çalışın.
- Gözlərinizi ovuşdurmamağa çalışın. Bu şəkildə davranmaq göz altındakı qan damarlarının genişlənməsinə səbəb olaraq, tünd rəngli halqaların yaranmasına şərait yaradır.
- Hər gün yatmazdan qabaq göz makiyajınızı təmizləyin.
- Günəş altında çox qalmayın.
- Nə yediyinizə diqqət edin. A, C və E vitaminləri baxımından zəngin qidalar istifadə edin.
- Siqaret, alkoqol istifadəsindən qaçın.
lent.az
