Qadınların kişilərdən üstün cəhəti sübut olundu

Alimlər qadınlara kişilərdən daha çox yuxu gərəkdiyini ortaya çıxarıblar. Qadin.az Rusiya mətbuatına istinadən məlumatına görə, Şimali Karolina Universitetinin alimlərinin apardıqları araşdırma göstərib ki, qadınlar səhərlər kişilərdən daha kaprizli və qıcıqlandırıcı olurlar. Yuxu çatışmazlığı qadınlara daha çox təsir göstərir və neqativ emosiyaları ortaya çıxarır.

Tədqiqat göstərib ki, zərif cinsin nümayəndələri sutka ərzində kişilərdən 25 dəqiqə daha çox yuxuya ehtiyac duyurlar. Əks halda isə yorğunluq tək fiziki deyil, eyni zamanda psixoloji problemlərə yol açır.

Yuxu çatışmazlığı ürək-damar sistemi xəstəlikləri, depressiya və insulta da səbəb ola bilir. Yuxu çatışmazlığından əziyyət çəkən qadınlarda ürək tutması da ola bilər.

Yuxu çatışmazlığı qadınlarda pis əhval yaradır. Yuxu zamanı beyin istirahət edir və öz gücünü bərpa edir. Yuxusu az olan qadın isə ötən günün neqativ emosiyasından qurtula bilmir.

Məsələ burasındadır ki, qadının beyni kişilərlə müqayisədə daha çox əməliyyatı eyni vaxtda yerinə yetirə bilir. Qadınlar beynin potensialından daha çox istifadə etməyi bacarırlar. Bu səbəbdən də bərpa olunmaq üçün onlar daha çox yatmalıdırlar.