Yumurtalı Kvadrat Çörəklər
Vəsaitlər:
12 ədəd kvadrat çörək
12 dilim holland pendiri
2 yumurta
Yarım çay stəkanı süd
Sosiska və kolbasa
Duru yağ
Hazırlanması:
Çörəkləri düzün. Üzərinə pendirləri düzün. Sonra sosiska, kolbasa nə istəsəniz əlavə edin. Üstlərini də qalan çörəklər ilə birləşdirin. Yumurtaları çəngəllə çırpın içinə südü əlavə edin. Tavaya yağ əlavə edib qızdırın. Hazırladığınız çörəklərin birini alın və bir üzünü yumurtalı südlü qarışığa yaxşıca batırın üstünə əliniz ilə basdırın ki sousu çəksin, çörəyi tərs çevirin o biri üzünü də qarışığa batırın və dərhal yağa buraxın. Bu əməliyyatı çörəklər qurtarana qədər tətbiq edin.
Nuş Olsun!