Özünü gələcək nəsillərə tanıtdırması
Bunların hamısını bəyan edəndən sonra özünü xalqa tanıtdırmağa başladı, təki məsciddəkilər və gələcək nəsillər bilsinlər ki, necə əzəmətli bir məqam və şəxsiyyət camaat ilə danışıbdır. Sonra Atası və Əli (ə)-ın İslam yolunda çəkdiyi dözülməz zəhmətləri yada saldı.
Burada sözünü məqsədə yaxınlaşdrıb, onların Peyğəmbərdən sonra mürtədd olmasını və keçmişi unutmaqlarını xatırladı. Daha sonra bu məsələni bəyan etdi ki, yalnız dinə qarşı diqqətsiz deyillər, fitnə atəşini Allahın dininin və Peyğəmbərin (s) Əhli-beytinin əleyhinə də şölələndirirlər.
Fədəyin qəsbi şölələnmiş bir atəş idi
Xanım irs məsələsini müzakirə edib,buyurdu: Şölələndirdiyiniz atəşin bir numunəsi Fədək məsələsidir.
Söhbətin bu hissəsində irs və xususi ilə Peyğəmbərlərin qoyduqları irs barəsində olan ayələr haqqında danışdı. Əbubəkr və Ömər ilə xususi surətdə müzakirə etdiyi məsələləri bu dəfə camaatın qarşısında aşkar və geniş surətdə bəyan etdi.
Peyğəmbərin (s) qəbrinə xitab edərək şikayətə başladı və bu şikayəti bir neçə beyt şerlə bəyan etdi.
Camaatın səhlənkarlığına təəccüb etməsi
Sonra Fatimeyi-Zəhra (s.ə) Ənsara xitab edib, onların keçmişdə Peyğəmbərə (s) və Allahın dininə etdiyi öməkləri yadlarına saldı. Peyğəmbərin (s) qızının haqqına bu qədər diqqətsiz və laqeyd yanaşmalarına təəccüb etdi. Hətta Xanım onlardan kömək istəyəndən sonra, heç kim ona müsbət cavab vermədi.
Əbubəkrin saxta hədisi təkrar etməsi və onun cavabı
Əbubəkr fürsətdən istifadə edib, saxta hədisi təkrar edərək dedi ki, mən Fədəyi qəsb etmək barəsində müsəlmanlarla məşvərət edib razılığa gəlmişəm.
Xanım Zəhra (s.ə) Peyəmbərin (s) Quran ilə müxalifət etməsinin qeyri-mümkün olduğunu elan edib, Peyğəmbərlərin qoyduqları irs barəsində olan ayələri oxuyaraq subut etdi ki,irs məsələsində heç bir kəs üçün istisna yoxdur.
Əbbəkrin müsəlmanların rəyini irəli sürməsi və onun cavabı
Bu dəfə Əbubəkr cavab verə bilməməsinə etiraf edib, dedi:
Mən səninlə öz aramda yalnız müsəlmanları hakim qərar verirəm. Çünki həqiqətdə mən onların göstərişini icra etmişəm.
Fatimə (s.ə) müsəlmanlara xitab edib, batil sözü qəbul etdiklərinə görə onları möhkəm danladı. Onlara əzab barəsində xəbər verib, işarə etdi ki, əgər camaat da onunla razılaşmasa belə, Allah ondan razıdır. Mən sizin bu qəti qərarlarınızı bilirəm. Amma sizə höccəti tamamlamaq istəyirdim. İstəyirdim ki, camaat həqiqəti başa düşsünlər və qiyamət gününün hesabı üçün hazırlıq görsünlər.
Mənbə: "Fatimə Zəhra (s.ə) xütbəsi" kitabı
