Dinimizə görə sosial şəbəkələrdə qadın-kişi ünsiyyəti

Kişi ilə qadın arasında real həyatdakı münasibətlərin hökmü virtual həyatda da eynidir. Realda haram olanlar internetdə də haramdır. Ümumiyyətlə, qadınla kişinin ünsiyyətdə olması bir çox hallarda fəsadla nəticələnir. Xeyli gənclər bu yolla günaha düşürlər, bu yolla ailələr dağılır. Xüsusilə, gənc qızlar və oğlanlar əks cinsin nümayəndəsi ilə internet ünsiyyətinə girməsələr yaxşıdır.

Bəzən onlar tam ciddi niyyət etdiklərini düşünürlər, amma axırda tamamilə əxlaqdan və imandan uzaq hallar yaranır. Son dərəcə zərurət halında işgüzar ünsiyyətə icazə verilir.