Immun sistemini möhkəmləndirir, orqanizmi cavanlaşdırır - SAĞLAMLIQ MƏNBƏYİ

01 Mayıs 2017
1 506
0
Immun sistemini möhkəmləndirir, orqanizmi cavanlaşdırır - SAĞLAMLIQ MƏNBƏYİ
Gicitkən qədim zamanlardan faydalı müalicəvi bitki kimi tanınır. Həmçinin təzə gicitkən qiymətli qidalı məhsuldur.

Yazda təzə gicitkəndən çox dadlı və faydalı sup, borş bişirmək, salatlara, gutablara əlavə etmək, digər göyərtilərlə birlikdə qovurmaq olar. Feat.Az saglamolun.az-a istinadən gicitkənin faydalarını sadalayır.

- Təzə gicitkən C vitamini ilə olduqca zəngindir. Bu vitamin immun sistemini möhkəmləndirir, damarların sağlamlığını və elastikliyini qoruyur, orqanizmi cavanlaşdırır.

- A vitamini ilə zəngin olan təzə gicitkən dərinin vəziyyətinə müsbət təsir edir, görmə üçün faydalıdır.

- Təzə gicitkən qanazlığı zamanı da çox faydalıdır. Qədim zamanlarda təzə gicitkəni ağır doğuş keçirmiş və çoxlu qan itirmiş qadınlara verirdilər. Bu, onlara daha tez ayağa qalxmağa kömək edirdi.

- Gicitkən qədimdən "qadın otu" sayılır. Bu ot qadınlarda güclü menstrual qanaxmaları azaldır, menstrual ağrılar zamanı kömək edir.

- Təzə gicitkən orqanizmə əlavə güc verir, orqanizmin tonusunu qaldırır, insanı daha gümrah edir.

- Gicitkən həzm proseslərini yaxşılaşdırır, bağırsaqları təmizləyir.

- Təzə gicitkən şəkərli diabet xəstələri üçün də faydalıdır.

Təzə gicitkəndən hazırlanmış çay da çox faydalıdır. Belə çay arıqlamağa kömək edir. Gicitkən çayı hazırlamaq üçün 2 x.q. doğranmış təzə gicitkəni 1 stəkan qaynar suda yarım saat ərzində dəmləyin, sonra süzün və gün ərzində 2 dəfə (səhər və axşam) yeməkdən 20-30 dəqiqə əvvəl için.

Qanı qatı olan, varikoz xəstəliyi və yuxarı təzyiqdən əziyyət çəkənlərə təzə gicitkən ziyanlı ola bilər.
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.