Dodaqların vəziyyəti BU XƏSTƏLİKLƏRDƏN xəbər verir - FOTO

Bir çox daxili xəstəliklər insanın xarici görünüşünə təsir edir - dərinin, saçların vəziyyətini pisləşdirir, göz, dil, dodaqlarda "iz qoyur".

Hələ qədim zamanlarda xəstəni müayinə edən təbiblər ilk növbədə onun dərisinə, göz, dodaq və dilin vəziyyətinə fikir verirdilər.

Feat.Az xəbər verir ki, insanın dodaqlarında olan dəyişikliklər bəzi xəstəliklərə işarə edə bilər:
- Dodaqlarınız solğundursa, bu qanazlığının simptomu ola bilər.



- Dodaqların göyümtül olması ürək xəstəliklərinə işarədir.
- Sarımtıl dodaqlar qaraciyər xəstəliklərinin simptomu ola bilər.
- Dodaqların kənarlarında çatların tez-tez əmələ gəlməsi bu kimi pozulmalar zamanı mümkündür: vitamin çatışmazlığı, allergiya (məsələn, diş məcunu və ya dodaq boyasına), xroniki susuzlaşma.



- Dodaqların quruması və qabıq vermə susuzlaşmanın, stressin, şəkərli diabetin, qalxanvari vəzi xəstəliklərinin (bu zaman bütün dəri quru olur), allergiyanın simptomu ola bilər.



- Dodaqlarda tez-tez herpes əmələ gəlirsə, bu immun sisteminin zəifləməsinə işarə edir.



- Dodaqların üzərində piqment ləkələrin əmələ gəlməsi qaraciyər, böyrəküstü vəzilər və yumurtalıq xəstəliklərinin əlaməti ola bilər.
- Dodağın üzərində tünd ləkənin əmələ gəlməsi melanomanın əlaməti ola bilər.