Məmmədbağır Bağırzadə - Yadıma düşdü.
Başına döndüyüm gül üzlü sonam
Ömrümün ilk çağı yadıma düşdü
Şairlər vətəni bizim tərəflər
Tərlanlar oylağı yadıma düşdü
Sən bizim ellərin ruhinə bir bax
Bizdən inciməmiş bir əziz qonaq
Nişanlı qızların görüşdən qabaq
Telini saymağı yadıma düşdü
Göylərə baş çəkir Göyəzən dağı
Axşam açıq olur Ayın qabağı
Bizim gəlinlərin bayram qabağı
Fəsəli yaymağı yadıma düşdü
Sən bizim ellərin ruhinə bir bax
Bizdən inciməmiş bir əziz qonaq
Nişanlı qızların görüşdən qabaq
Telini saymağı yadıma düşdü
Sözləri: Səməd Vurğun
Bəstəkarı: Ələkbər Tağıyev