Ana səhifa

Azərbaycanda görünməmiş toy – Kortejə 5 min xərcləndi – VİDEO

Xəbərlər / Xəbər / Azərbaycan / Video / Video Çarxlar
10 Aralık 2016
611
0
Azərbaycanda görünməmiş toy – Kortejə 5 min xərcləndi – VİDEO
Dekabrın 7-dən 8-nə keçən gecə, təxminən saat 01.30 radələrində, İmişli şəhər əhalisinin narahatlığına səbəb olan hadisə baş verib.

Təxminən, yarım saat havaya bir-birinin ardınca gur işıq və partlayıcı səs buraxan fişənglər atılıb, hay-küy səsi gecənin sakitliyini pozub. Adamlar yuxudan oyanaraq evlərin pəncərəsindən bayıra baxıblar, küçələrə çıxanlar olub.

Feat.Az xəbər verir ki, şahidlərin Sputnik-in bölgə müxbirinə dediklərinə görə, sakinlərin bəzilərinə elə gəlib ki, cəbhə bölgəsində atəşkəs pozulub, havaya buraxılanlar da odlu silahların mərmiləridir.

Sonradan məlum olub ki, həmin gün İmişli şəhərindəki “Nərgizim” şadlıq sarayında, mindən çox adamın iştirakı ilə dəbdəbəli toy mərasimi təşkil olunub. Rusiyada yaşayan, əslən İmişlidən olan iş adamı, oğlunun toyuna həmin ölkədən xeyli sayda qonaq dəvət edibmiş.

Təkcə “Bəy-gəlin maşını”na 5, musiqiçilərə isə 20 min manat xərc çəkildiyi deyilir. Elə havaya, dəyəri minlərlə manat hesablanan “raketlər”də şadlıq sarayının həyətindən buraxılıb. Əraziyə çoxsaylı polis əməkdaşı cəlb olunub, toy sahibi ilə uzun-uzadı davam edən danışıqdan sonra “atəş” dayandırılıb.

Minlərlə rayon sakininin narahatlığına səbəb olan şənlik sosial şəbəkələrdə də müzakirə olunub, aşırı dəbdəbə və israfçılıq qınaq obyektinə çevrilib.
Xəbərlərdən daha tez xəbərdar olmaq üçün Facebook Səhifəmizi izləyə bilərsiz.
Şərh Yaz