Sevgilim,Təkliyində qanatdım kasıb sözlərimi..

Sətirlərimə sonvermədən bilməyin lazım olan bəzi şeylər var. Yaxşı dinlə məni sevgilim...



Yoxluğunda səni axtardım yorğun gecənin boz küçələrində. Təkliyində qanatdım kasıb sözlərimi.



Dilimdə yığılmış və bir neçə cümləni keçməyən etirafım var sənə canım. Yaxşı dinlə məni indi.



Sənsizlikdə " səni aldatdım sevgilim ". Səhv eşitmədin. Açıq açıq utanmadan sıxılmadan səni aldatdığımı söyləyirəm.



Sənsizliyin soyuq gecələrində səni aldatdım. Həm də dəfələrlə… Başımda bu qeyri-mümkün sevdanın savabları dayanarkən mən səni " günahlarınla " aldatdım.



Yoxluğunda qanayarkən tövbəsi yarım qalmış günahlarınla sevişdim təkliyinin buz tutmuş yatağında. Hər gecə bədənimi atəşlərə sərib günahlarınla sevişdim.