Böyük şəhərin ritmini mükəmməl rəsmlərlə göstərən 5 rəssam

Şəhər həyatı özündə bir çox şeyi ehtiva edir: romantika, sirr, enerji, tələskənlik.. Günəşin çıxmasıyla bərabər başlayan səs-küy və qarışıqlıq, axşamın düşməsiylə parıldayan küçə işıqları bu həyatı daha da gözəl və rəngarəng edir.


Şəhərin bu ritmini öz işlərində mükəmməl formada çatdırmağı bacaran 5 rəssam və onların işlərini sizə təqdim edirik:



Terry Duvall’ın akvarel şəhər realizmi











Terry Duvall uşaqlıqdan rəssamlıqla məşğul olan fransız sənətkardır. O, təhsilini də bu sahədə almış və Parisin reklam egentliklərindən birində illüstrator vəzifəsində çalışmaqdadır. Rəsmini çəkməyi ən çox sevdiyi şey isə şəhər həyatıdır. Paris kimi mükəmməl şəhərin rəsmini çəkməyi əla bacaran rəssamın rəsmləri çoxqatlı çəkməklə yaratdığı özünəməxsus üslubu var. Bu isə ona hipperrealist üslubda rəsm çəkməyə kömək edir.



Jeremy Mann’dan böyük şəhərin dinamikası









Çağdaş amerikalı rəssam Jeremy Mann incəsənət dünyasında önəmli şəxslərdən biri hesab edilir. O tənqidçilərin yüksək qiymətini almış və kolleksiyaçıların sevimlisinə çevrilmişdir. Rəsmlərindən biri “American Art Collector” jurnalının üz qabığında da əks edilmişdir. Rəssamın şəkillərini ilk baxışdan tanımaq mümkündür.



Richard McNeil’in rəngarəng boyaları











Rəssam Richard McNeil 1958-ci ildə İngiltərənin Vuster şəhərində dünyaya gəlmişdir. Onun haqqında çox şey məlum olmasa da, rəsmləri ABŞ Ağ Evinin divarlarını bəzəyir. Rəsmləri sanki Paris və Nyu-York ekskursiyasıdır. O qədər gözəldirlər ki, onlardan gözlərinizi ayıra bilmirsiniz.



Kal Gajoum’dan şəhər mənzərələri







Liviyalı rəssam Kal Gajoum 1968-ci ildə Tripolidə dünyaya gəlmişdir. Uşaq yaşlarından rəssamlığa maraq göstətən Kal, 10 yaşında rəssamlıq müsabiqəsində iştirak etmişdi. Hal-hazırda Kanadada yaşayan rəssam şəhər peyzajları, natyurmortlar çəkir və öz işlərində get-gedə daha da mükəmməl incəsənət nümunələri sərgiləyir.



Aleksey Butirskiy’dən şəhərin gecə işıqları









Rus rəssam Aleksey Butirskiy 1974-cü ildə Moskvada doğulmuşdur. Onun işlərinin əsas mövzusu urbanist peyzajlardır və onları realist üslubda çəkməyi əla bacarır.