İtaliya Haqqında Çox Maraqlı 10 Fakt

Dəb, gözəl qadınlar, yaraşıqlı kişilər, yaxşı yeməklər və mükəmməl təbiətin vəhdətini təşkil edən ölkə – İtaliya, həm də olduqca maraqlı məkandır. İyirmi bölgədən ibarət olan bu əsrarəngiz ölkə o qədər gözəldir ki, siz hətta bu bölgələrin bir neçəsində olsanız da, mütləq yenidən qayıtmaq istəyəcək, hər qayıtdığınızda da yeni gözəlliklər kəşf etmiş olacaqsınız.

Sizə bu gözəl ölkə haqqında 10 çox maraqlı fakt təqdim etmək qərarına gəldik. Yay tətilinizi planlaşdırmamışdan əvvəl bu faktlar sizə seçiminizdə kömək edə bilər.



1. Əgər siz İtaliyada hər hansı bir kafedə ingiliscə kofe sifariş etsəniz, qiyməti ikiqat ödəyə bilrəsiniz. Adətən turistlərə satılan hər şeyin qiyməti yerlilərə təklif edilən qiymətlərdən baha olur.



2. İtalyanlar pişikləri çox sevir və onlara olduqca həssas yanaşırlar. Məsələn, pişiyi öldürmüş şəxsi 10 000 avro cərimə və 3 ilə qədər həbs cəzası gözləyir. Təkcə Romada 300 minə yaxın pişik var. Bu ölkədə kimsəsiz heyvanlar yox dərəcəsindədir.



3. İtalyanlarda da qəribə bir inanc var. Onlar gözləri göy rəngdə olan insanlara bir az ehtiyatla yanaşırlar. Düşünürlər ki, bu cür insanların gözündən mənfi təsir ala bilərlər.



4. Təxmini hesablamalara görə, Kalabriya və Siciliya biznesmenlərinin 80%-i mafiyaya hər il xərac verməyə məcburdurlar.



5. Ölkəyə gələn turistlərin sayına görə İtaliya dünya ölkələri arasında 4-cü yer tutur. Belə ki, hər il bu ölkəyə 40 milyondan artıq turist təşrif buyurur.



6. İtaliyada yaşayan insanların 20%-i 60 yaşdan yuxarıdır. Burada ortalama həyat müddəti isə 79,5 yaşdır!



7. İtaliyanın adı yunan sözü italiosdan (buzov) əmələ gəlib. Siciliya adasında yerləşən Sirakuza şəhəri də bir zamanlar ən böyük yunan şəhəri olmuşdur.



8. İtalyan dili İtaliya ilə yanaşı, həm də San-Marino, Vatikan və İsveçrənin dövlət dilidir. Sloveniya və Xorvatiyanın əsasən italyan mənşəli vətəndaşların məskunlaşdığı bölgələrində ikinci rəsmi dil elan edilmişdir.



9. İtaliya dünyada ən çox şərab içilən ölkələrdən birincisidir. Hər il orta statistik italyan vətəndaşı ən azı 26 litr şərab içir.



10. Ölkə həm də muzeylərin sayı ilə fəxr edə bilər. Burada 3000-dən artıq muzey fəaliyyət göstərir.