Qahirədə 50 binaya yayılan mükəmməl qraffiti
Misirin paytaxtı Qahirə küçələri ötən həftə yeni obraza büründü. Daha çox aşağı gəlirli, zibil yığaraq dolanmağa çalışan əhalinin yaşadığı Manshiyat Naser məhəlləsi təəccübünüzə səbəb olacaq qədər böyük divar sənəti ilə hər kəsin diqqətini çəkib.
Tunisli sənətkar eL Seed son işini Qahirənin kənar məhəlləsində 50-yə yaxın binaya yayaraq yaradıb. Məhəllənin yaxınlığında yerləşən Möqəttəm təpəsindən görünən qrafitti “Perception” adlanır. Sənətkarın öz büdcəsi ilə və şəhər rəhbərliyinin icazəsi olmadan gördüyü iş hər kəs tərəfindən bəyənilib. Bu qraffiti üzərində ərəbcə “Əgər bir insan günəşin işığını görmək istəyirsə, gözlərini ovuşdurmalıdır,” – sözləri yazılıb.
Pahoo.az
