ペペペ ßirdə мəni ﻻaşasaﻻdın┛

Bu ən uzun yolculuqdur həyatda. Gözləmək - bu sənin ən böyük ümidinə çevrilər. Sanki ən şaxtalı havada, tərləyirsən. Sıxıcıdır hə?
Susuzluqdan yananda, bir stəkan su ilə, sonsuz dəniz kimi. Heç kim stəkanı suya dəyişməz. İnsanın təmiz suya ehtiyacı olan an. Sevgi ən təmiz hissdir, o vaxta kimi ki, daxilində qalır, zamanla üstünü toz örtür, daşlaşır və bir gün parçalanıb, ovulub tökülür. Sənsə bu zaman ərzində çürüyüb bu toza qarışırsan. Hansı külək səni sovurub özü ilə aparacaq deyə gözləyərsən. Saçların küləyə qarışar, dalğalar üstünə cumar, nəfəs alıb-verərsən amma öz qadınına qarışa bilməmək, bu heç bir tufanla, uçurumla, qasırğa ilə əvəz oluna bilməz. Daxilində ən kiçik körpələr ölər. Amma sən soyuq qanlı şəkildə susarsan. Necədə əclaf hissdir. Tanrı ilə düşmən olmaq kimi. Siz o vaxt xoşbəxtsiz ki, bu duyğuları yaşayarkən sevirsiz. Daxilən, içdən nəfəs almaq kimi. Bəlkə bu qədərdə çətin deyil onun yanında olmaq. Əllərindən tutub, gözlərinə baxmaq və təslim olmaq.