Unuda bilmərəm heç vaxt, sevdiyim, məni bağışla

Söylə axı kimsən ki, sən, məni nə hala qoymusan
Gülüşümü yox etmisən, hər gün, hər an ağlatmısan
Acı sözlər deyərək qəlbimi nə çox qırmısan
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Sevilmədən sevməliyəm, hər əzaba dözməliyəm
İçimdə min əzab varkən yenə üzdə gülməliyəm
Bilməsən də halımı, mən halını bilməliyəm
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Bir yandan ümidim var, bəlkə də bir gün sevərsən
Bir yandan ümidim yoxdur, sevgi nədir, nə bilərsən
Sənə danışsam halımı, bilirəm mənə gülərsən
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Səni uzaqdan görüncə, özümü unuduram mən
Zaman necə gəlib keçir, inan ki, anlamıram mən
Gecə olanda isə oturub ağlayıram mən
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Hər kəs deyir unut onu, o səni heç zaman sevməz
Gözyaşının dəyərini anlamaz, heç zaman bilməz
Səni nə bu günündə, nə gələcəyində görməz
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Unutmaq istəsəm bir gün, bəlkə unuda bilərəm
Amma neyləmək olar, unutmağı istəmirəm
Sən görmürsən bəlkə, mənsə hər gün ölürəm
Yenə də sevirəm səni,varlığımla, gözyaşımla
Unuda bilmərəm heç vaxt, sevdiyim, məni bağışla

Haqsız sonlanacaq mənim həyatdakı bu döyüşüm
Nə olar yuxuma gəlsən, yuxumda sənlə görüşüm
Məni xoşbəxt edər sənin tək bir gülüşün
Həmişə sevəcəm səni,varlığımla, gözyaşımla
Unuda bilmərəm heç vaxt, sevdiyim, məni bağışla