...Ən ağır cinayət məcəlləsiylə!!!
Gəldin həyatıma səssiz-səmirsiz,
Getdin toy səsiylə,zurna səsiylə
Bunun ki cavabı verilməlidir
Ən ağır cinayət məcəlləsiylə.
Gəlmişdin ömrümə bir yaz axşamı
Bir səndin,bir məndim,bir də ki bulaq.
Sarsıldıq əvvəlcə qəfil görüşdən
Bir anlıq sükuta yer verdik ancaq.
Baxışın önündə muma döndükcə
Qopdu ürəyimdə dəli qasırğa.
Axır iradəmi cilovlayaraq
Açdım ürəyimi mən qorxa-qorxa.
Sən demə qorxmağa elə dəyərmiş,
Məni əbəs yerə o qorxutmadı.
Məgər sevgimizi əsassız addım,
Məgər sevgimizi qorxu udmadı ?!
Sən elə susurdun bu sükutdasa
Bu günü andıran ağırlıq vardı.
Su üstə yarandı bizim sevgimiz,
Bizim sevgimizi sular apardı.
Nə üçün bu zaman baş qaldırmadı,
Əvvəllər qəlbimdə qopan qasırğa?
Gözlədim nə vaxtsa bəlkə sevgimiz
Dalğalar qoynunda sahilə çıxa.
Nə isə...
Keçmişə qayıdım yenə,
O gündən başlandı görüşlərimiz.
Bir qoca söyüdün kölgəsi bizim
Ümid yerimizdi,görüş yerimiz.
Duyub gülənlər də çox oldu bizə,
Etiraf edirəm olsa da acı.
Amma sevgimizi duymadan belə
Aldı himayəyə söyüd ağacı.
Bəlkə o onlardan yaxşı duyurdu,
Mən hardan bilimki bu qoca söyüd
Neçə sevgiləri salmışdı yola,
Neçə sevənlərə vermişdi ümid.
Bu gün bizlərə də əlvida deyir,
Vağzalı havası çalınır,budur
Göz yaşın süzülür yanaqlarından
Sudan yaranmışı indi su udur.
Dikilib nəzərlər sənə və mənə
Çox ağır olsa da gülümsəməli.
Bunla duyanlara sevginin sonu
Cismani ayrılıq deyil deməli.
Gələndə də yazdı,gedəndə də yaz,
Gör harda görüşdük,ayrıldıq harda ?!
Hətta doğmaların duymadan belə
Sənin kədərinə oynadılar da.
Bu addım olduqca düşünülmüşdür,
Məncə nəticə də,səbəb də birdir.
Bu itki qəlbini üzməsin deyə
Sevgin çal-çağırla dəfn edilirdi.
Bizdə səninsənin-mənim sözü yox idi,
Xərclədin ömrümü öz ömrün kimi.
Ağ libas altında qara ləkəsən
Ağ günü haqqlayan qara gün kimi.
Gəlişin ömrümə çox şey gətirdi,
Gedişin apardı ondan da artıq.
Adının qəlbimdə olması gülüm
Məni ovundurur indi azacıq.
Gəlmişdin ömrümə bir yaz axşamı,
Bir səndin,bir məndim,birdə ki bulaq.
Milyonlar içində görüşməmişdik
Milyonlar içində ayrıldıq ancaq.
Artıq həmin andan neçə il keçir,
Qəlbim neçə yerə parçalanıbdır.
Həsrətin qəddimi əyibdir daha,
Artıq saçıma da qar ələnibdir.
Səninsə saçına qar ələnməsin,
Çünkü o dağların ucalığıdır.
Saçların bəxtimə oxşasın hər an
Mənim sənə olan qarğışım budur.
Gəldin həyatıma səssiz-səmirsiz,
Getdin toy səsiylə,zurna səsiylə.
Bunun ki cavabı verilməlidir
Ən ağır cinayət məcəlləsiylə !!!
Getdin toy səsiylə,zurna səsiylə
Bunun ki cavabı verilməlidir
Ən ağır cinayət məcəlləsiylə.
Gəlmişdin ömrümə bir yaz axşamı
Bir səndin,bir məndim,bir də ki bulaq.
Sarsıldıq əvvəlcə qəfil görüşdən
Bir anlıq sükuta yer verdik ancaq.
Baxışın önündə muma döndükcə
Qopdu ürəyimdə dəli qasırğa.
Axır iradəmi cilovlayaraq
Açdım ürəyimi mən qorxa-qorxa.
Sən demə qorxmağa elə dəyərmiş,
Məni əbəs yerə o qorxutmadı.
Məgər sevgimizi əsassız addım,
Məgər sevgimizi qorxu udmadı ?!
Sən elə susurdun bu sükutdasa
Bu günü andıran ağırlıq vardı.
Su üstə yarandı bizim sevgimiz,
Bizim sevgimizi sular apardı.
Nə üçün bu zaman baş qaldırmadı,
Əvvəllər qəlbimdə qopan qasırğa?
Gözlədim nə vaxtsa bəlkə sevgimiz
Dalğalar qoynunda sahilə çıxa.
Nə isə...
Keçmişə qayıdım yenə,
O gündən başlandı görüşlərimiz.
Bir qoca söyüdün kölgəsi bizim
Ümid yerimizdi,görüş yerimiz.
Duyub gülənlər də çox oldu bizə,
Etiraf edirəm olsa da acı.
Amma sevgimizi duymadan belə
Aldı himayəyə söyüd ağacı.
Bəlkə o onlardan yaxşı duyurdu,
Mən hardan bilimki bu qoca söyüd
Neçə sevgiləri salmışdı yola,
Neçə sevənlərə vermişdi ümid.
Bu gün bizlərə də əlvida deyir,
Vağzalı havası çalınır,budur
Göz yaşın süzülür yanaqlarından
Sudan yaranmışı indi su udur.
Dikilib nəzərlər sənə və mənə
Çox ağır olsa da gülümsəməli.
Bunla duyanlara sevginin sonu
Cismani ayrılıq deyil deməli.
Gələndə də yazdı,gedəndə də yaz,
Gör harda görüşdük,ayrıldıq harda ?!
Hətta doğmaların duymadan belə
Sənin kədərinə oynadılar da.
Bu addım olduqca düşünülmüşdür,
Məncə nəticə də,səbəb də birdir.
Bu itki qəlbini üzməsin deyə
Sevgin çal-çağırla dəfn edilirdi.
Bizdə səninsənin-mənim sözü yox idi,
Xərclədin ömrümü öz ömrün kimi.
Ağ libas altında qara ləkəsən
Ağ günü haqqlayan qara gün kimi.
Gəlişin ömrümə çox şey gətirdi,
Gedişin apardı ondan da artıq.
Adının qəlbimdə olması gülüm
Məni ovundurur indi azacıq.
Gəlmişdin ömrümə bir yaz axşamı,
Bir səndin,bir məndim,birdə ki bulaq.
Milyonlar içində görüşməmişdik
Milyonlar içində ayrıldıq ancaq.
Artıq həmin andan neçə il keçir,
Qəlbim neçə yerə parçalanıbdır.
Həsrətin qəddimi əyibdir daha,
Artıq saçıma da qar ələnibdir.
Səninsə saçına qar ələnməsin,
Çünkü o dağların ucalığıdır.
Saçların bəxtimə oxşasın hər an
Mənim sənə olan qarğışım budur.
Gəldin həyatıma səssiz-səmirsiz,
Getdin toy səsiylə,zurna səsiylə.
Bunun ki cavabı verilməlidir
Ən ağır cinayət məcəlləsiylə !!!
