Kim?!
Qızıl qumlu sahilində dağ olsam,
Mavi gözlü sularında üzən kim,
Qəm eləmə, sevgimizə ağ olsam,
Unudarsan, ayrılığa dözən kim.
Həyatında ötən olar eşqimiz,
Röya kimi itən olar eşqimiz,
Atsan yenə bitən olar eşqimiz,
Ayrılığı izlərinə düzən kim.
Günəş kimi alovlanan kim oldu,
Gecə-gündüz tək odlanan kim oldu,
Həsrətindən şam tək yanan kim oldu,
Məhəbbətdən əzilən kim, əzən kim.
Dalğaların məskənidir səmalar !
Səni sevdim gerçək oldu röyalar,
Bir araya gəlsə bütün dünyalar !
Yenə səndən ayrılan kim, bezən kim.
