Vilyam Şekspir - Maqbet

Sabah, sabah, sabah... ah, bu sabahlar
Kiçik addımlarla hey gündən-günə
Sürünür, can atır bəxt kitabının
Sonuncu, kədərli səhifəsinə.
Bizim keçmişimiz - dünənlərimiz,
Deməli, daima biz axmaqların
Məzar yollarını işıqlandırıb.
Yan qurtar, ey ömrüm - ey şam qalığı!
Həyat nədir axı? Gəzəri kölgə,
Səhnədə elə hey hay-küy qoparan,
Tez də unudulan, can evi viran, əfəng söz yığını, boş bir nağıldır.