"Kukruz"dan Siçan çıxdı
Bakıda satılan qarğıdalı çubuqlarının içərisindən ölü siçan balası çıxıb. ANS PRES-in məlumatına görə, bu barədə sosial şəbəkələrdə məlumat və foto paylaşılıb.
Məlumata görə, “Tık-Tık xanım” adlı qarğıdalı çubuğunun içindən çıxan siçan balası ölmüş vəziyyətdə olub.
Məsələni araşdırmaq üçün Səhiyyə Nazirliyi Respublika Gigiyena və Epidemiologiya Mərkəzinin Qidalanma Gigiyenası ilə əlaqə saxladıq. Qurumun müdiri İmran Abdullayevin ANS PRESS-ə verdiyi məlumata görə, məsələ araşdırılacaq.
“Əgər belə hal baş verərsə, bu zaman şikayətçi bizə məlumat verməlidir. Yaxşı olar ki, həmin məhsulu da özlərilə gətirsinlər”, - deyə İ.Abdullayev bildirib.
