Saxta İŞİD-çilər toya hücum etdi - VİDEO

Misir toylarının birində eyni zamanda maraqlı və qorxulu anlar yaşanıb. Belə ki, bəylə gəlin qonaqları qorxutmaq məqsədi ilə İŞİD terror qrupunun üzvləri kimi maskalanan bir neçə nəfəri toy mərasiminə dəvət ediblər.

Saxta cihadçılar bu yaxınlarda qəfəsə salınaraq diri-diri yandırılan iordaniyalı pilotun səhnəsini quraraq bəylə gəlini də qəfəsə salıblar.

Verilən xəbərə görə, toy Misirin Minufiya şəhərində keçirilib. Toy mərasiminin qızğın çağında zala bir neçə maskalı şəxs daxil olaraq bəylə gəlini bıçaqla hədələyərək qəfəsə girməyə məcbur edib. Bütün bunların sadəcə oyun olduğunu yalnız bir neçə insan bilib. Bəy, bəyin sağdışı və fotoqraf Əhməd Kassem saxta İŞİD üzvlərinin şousundan əvvəldən xəbər tutub.

Bəylə gəlinin xristian və ya müsəlman olması məlum deyil. Cütlük qəfəsə salındıqdan sonra onlar içəridə rəqs etməyə başlayıb. Qonaqlar bütün bunların qurama olduğunu bildikdən sonra bəylə gəlinin rəqsini alqışlamağa başlayıb.